ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ថាសម្ដេចមិនមែនជាមនុស្សល្អនោះទេសម្រាប់ក្រុមអាក្រក់ និងថាសម្ដេចគឺជាសត្រូវរបស់ក្រុមបំផ្លាញជាតិ។
ថ្លែងនៅក្នុងពិធីបិទវគ្គបណ្ដុះបណ្ដាលនិងបើកវគ្គបណ្ដុះបណ្ដាលថ្មីនៃសាលាភូមិន្ទរដ្ឋបាល ព្រឹកថ្ងៃទី២៧ ខែមេសា ឆ្នាំ២០២៣នេះ សម្ដេចតេជោ ហ៊ុន សែន បានថ្លែងថាក្រុមអ្នកបំផ្លាញជាតិនិងមនុស្សអាក្រក់មិនដែលពេញចិត្តលើសម្ដេចនោះទេ ជាឧទាហរណ៍គឺដូចជាខ្មែរក្រហមជាដើម។ ព្រោះថាសម្ដេចគឺជាអ្នកដែលបំផ្លាញក្រុមទាំងនោះដើម្បីជាតិកម្ពុជា។
សម្ដេចតេជោថា នៅទូទាំងប្រទេសអ្នកណាដែលគាំទ្រនយោបាយឈ្នះឈ្នះគឺជាប្រតិបត្តិករនៃនយោបាយឈ្នះឈ្នះមិនមែនតែប៉ុន្មាននាក់នោះទេ សូម្បីតែអតីតគណៈខ្មែរក្រហមក៏ជាប្រតិបត្តិករនៃនយោបាយឈ្នះឈ្នះដែរ៕
